10/4/16

10/4/16   SUN   WARM   RAIN

今日如常咁揍子元去畫班啦, 跟住我地就去食早餐, 然後去咗惠康買嘢, 抬米抬飲品等等, 搞掂就去接番子元, 返到屋企叫佢做埋D功課, 我就做家務啦, 12點多老公捉仲仲入房瞓, 不過都係唔肯瞓要用武力啦, 子元做完功課就要溫默書, 其實都唔算好難溫, 但就係溫極都唔熟咁, 我已經好克制, 最終只係要佢溫咗中默先, 英默比佢明天再溫, 因為我想摺埋D衫先, 想hea吓, 我都係lazy架啦, 不過剛考完試未係好多嘢要溫, 佢功課亦OK就算! 到3點幾仲仲醒咗, 收拾好就出去食嘢, 然後過荃灣, 愉景新城多嘢行又泊到車! 裝條咗都好多嘢行, 結果買咗好多嘢, 衫, 被, 鞋等等, 都唔算亂買架, 有減價有平先買架咋! 去咗食一間泰國嘢, 叫咗4人餐子元又可以帶埋飯, 買齊嘢睇夠玩具, 8點幾9點要走啦, 返到去快手沖涼打暈兩個, 預備埋明天返工返學d嘢, 都唔睇幾耐電視我都眼瞓啦, 老公要做埋公司嘢, 所以我自己瞓先啦!