17/4/16

17/4/16   SUN   HOT

今日要OT去咩鬼頒獎禮嘛, 所以下午活動都要就番時間地點! 朝早柏仲勁早醒咗, 搞到我冇覺好瞓, 起身後梳洗出門口去畫班, 然後就去食早餐, 再上阿媽到, 因為佢話部電腦上唔到網, 點知老公關機開機又得番, 仲仲喺婆婆到玩一輪, 夠鐘又去接哥哥啦! 返到屋企要對功課做埋個小日記, 要引導佢點去寫文其實都係難, 慢慢嚟啦! 跟住就要收拾過去會場, 過到去仲要等泊車位, 咁我先帶子元去買嘢食, 因為都未食午飯, 柏仲瞓咗由得佢喺車! 買埋嘢食完落去會場, 都係得個等字, 老公嚟到接應咗子元走, 我都係行行企企, 影吓相打吓卡咁囉, 等夠鐘就去接祥哥, 都算準時開始但因為頒獎前太多活動, 但祥哥3:30又要走, 結果要大會安排早D攞獎先, 調一調個名單囉, 我自問都做得好足架啦, 幾時喺咩位影相等等, 又唔係博出位GE, 只係做番本份啫, 低B妹今日都有嚟, 人地可能真係好lady, 唔似我地呢D師奶, 痴住地下影相都冇問題! 最終遲咗15分鐘先放祥哥走, 我地賺咗架啦, 咁等影埋大合照基本上都走得, 不過子元喺隔離排緊隊玩騎馬仔, 就比佢排埋先啦, 老公都要去買嘢先可以攞泊車優惠, 咁同總監講咗幾句囉, 佢問我地同低B妹做嘢夾唔夾到, 咁我講得好得體GE, 話佢cool D囉! 咁其實有時係個老細衰, 迫到D員工咁GE啫! 但低B妹最要進步的是禮貌囉! 散水後我就做番阿媽啦, 陪兩隻豬排隊玩騎馬! 跟住去咗MEGA BOX, 去玩咗陣遊樂場, 未夠6點已去IKEA食晚飯, 一來我真係好餓, 我只係食咗個包做午餐, 二來IKEA勁多人! 食完差不多7點, 老公又趕住去踢波, 要送我地回家先啦, 子元都有D唔開心GE! 返到去沖好涼才差不多8點, 不過有得睇學是學非子元又冇事啦喎! 8:30才K.O.仲仲, 咁就趕子元入去溫中默, 默好才可以玩, 咁今次又默得OK喎, 咪放佢自由囉, 佢竟然係要我陪佢捉象棋, 就陪佢啦但我都係好C, 馬上上網找其實應該點行, 好在都捉得贏佢, 而佢亦冇發脾氣, 有進步! 趕佢去瞓啦, 10點幾老公都返到, 佢又可以同daddy 講goodnight先瞓, 我陪老公到12點多頂唔住要瞓先, 因為佢仲要睇波!