28/4/16

28/4/16   THU   HOT**

今日仲仲又係一早嘈醒我, 不過佢而家識自己玩或者唱吓歌, 唔會扭出房都好少少! 齊齊送哥哥校車就返去換衫返工返學啦, 今日有點趕搞到去到就啱啱開門! 食埋早餐就返工啦, 今日都係如常啦, 不過就要搞星期六攤位D嘢, 又要整咩鬼價錢牌已經整咗我幾個鐘, 唉…呢D咪一句話洗死人囉! 放工要買兩日餸先返去, 攞到手都軟! 返到去子元又未做好嘢, 仲仲個掛牌又唔見咗, 唉, 十九幾萬樣嘢煩! 老公話約咗休攞D coupon, 所以叫佢揍哂兩隻嘢出去, 等我靜靜地煮飯! 開好哂枱都未返, call咗佢地就返到啦, 食完各自做好嘢, 洗碗的洗碗, 沖涼的沖涼, 等我沖埋涼先同子元對功課, 都唔算錯好多, 默書阿媽話佢都溫好就放佢啦! 不過練埋波都10點幾先瞓, 我摺埋衫可以hea吓, 今晚唔係好多餸所以同老公齊齊食咗個杯麵先瞓!