11/4/16

11/4/16   MON   RAIN

今日真係忙足一日, 攞命! 朝早揍咗子元上校車, 到柏仲返學時就落大雨, 好在上得切車啫! 入到青衣又冇雨啦喎, 揍咗仲仲入學校就同老公食早餐, 佢今日sick leave, 所以車埋我返工才去睇醫生! 我今日就好忙囉, 朝早就開會, 開完全公司網絡系統有事, 完全上到網, 咁我都有好多唔洗上網都要做GE嘢, 忙到食lunch呢, 低B妹話老細話1:30要開會, 所以佢早食飯先, 重點係只蒸自己個飯, 完全冇理其他同事, 真係好自私! 我食完飯都返番自己位, 根本冇立足之地, 下午都唔算太多場合要我出現開會, 不過我都好多嘢做, 差不多放工時間先叫做好D, 但老細未走, 我都唔走住啦, 反正老公今日會嚟接我, 就叫佢去咗接子元先, 再入青衣食飯, 仲仲又係掛住玩啦, 唔得咁呀, 我又要鬧, 好攰! 回家後仲死, 沖完涼以為子元默書搞掂, 點知又係死, 我比佢激到發哂顛, 最終要佢將8個詞用嚟作句, 因為叫佢抄佢又亂抄, 可惡可惡可惡! 最終10點幾佢先瞓, 我先可以休息!