7/4/16

7/4/16   THU   WARM

今日如常咁返工返學, 不過好眼瞓, 喺巴士都瞓咗, 返到去忙到未停過, 竟然有咁多嘢忙, 我都覺得太過份! 午飯要去買少少嘢拼個杯麵啦, 食完都係睇吓電視休息吓, 下午都係咁忙, 突然好多嘢做! 亦好多嘢唔係好順心咁啦, 老細呢種動物其實係世界上最矛盾, 同一件事, 未要比錢時叫你衝, 要比錢時就縮, 佢一句說話就做死人, 咁為咩呢, 可唔可以有D規劃呢! 放工我就走人啦, 阿媽揍咗子元過嚟公司樓下, 同子元行過美孚買餸, 再行返屋企, 返去開始煮飯, 老公7點到揍咗仲仲返嚟就開始麻煩, 隻豬又唔聽話又走入哥哥房, 趕咗子元入去溫書, 咁反而佢就合作! 煮完飯快手食完, 但仲仲就食得好慢係到玩飯, 後來老公先講番原來佢喺嫲嫲到食咗, 又唔講我知! 搞到我又顛婆咁鬧佢食得衰! 之後洗碗抺地時子元入番房溫書, 仲仲喺廳玩, 算係比較寧靜的一個時段! 差不多8點幾就幫佢地沖涼, 仲仲瞓咗我就同子元對功課, 9點多我可以去沖涼啦, 老公去咗踢波冇咁早返, 趕咗子元去瞓就摺衫啦, 今晚好眼瞓呀, 等老公回來後一陣都瞓啦!