22/4/16

22/4/16   FRI   COOL

今日都係如常咁返工返學啦, 朝早都係咁揍子元校車啦, 揍完柏仲食埋早餐就返工啦, 其實一日都唔算太忙, 都係做吓自己嘢做吓公事咁啦, 午飯後本來都係hea緊, 點知臨放工前老細先打嚟講又話要睇邊個場for出年annual dinner嗰D, 搞到我5:50先走得甩, 馬上飛返屋企攞游水嘢再出去小童接佢地啦, 因為要揍住柏仲, 再跟佢3個換衫, 好在慧婆婆喺到, 咁理少一個好D, 搞掂哂就行過泳池, 老公遲咗收工, 等我放哂佢地入去先會合我地, 跟住就去買Pizza啦, 攞齊嘢就回家啦, 同仲仲沖好涼啦, 等佢地上到嚟就快手沖好涼, 然後就切蛋糕, 但因為要快, 竟然唔記得我地一家四口影番張相喎, 激死! 因為老公趕住出去踢波嘛!! 之後咪食Pizza Hut做晚餐囉, 10點多佢地都走啦, 咁我仲要收拾殘局, 又要叫子元執嘢, 明天去camp嘛, 教佢點執, 寫低要執咩, 咁最後當然要同佢檢查啦! 我地嗰D就明天先執啦, 因為我都請咗半日假! 老公都算早返到嚟, 我就努力洗好哂D衫先, 因為去完camp返嚟肯定又好多衫要洗!