4/6/16

6/4/16   WED   WARM

今日老公放假, 因為要車嫲嫲去覆診, 佢又要清假, 於是就可以做埋司機啦! 朝早先去接咗嫲嫲才車我地去學校送仲仲返學, 跟住去咗太興食早餐, 車咗嫲嫲去覆診, 老公就車我返工, 好耐未試過呢! 返到去都係做吓自己嘢啦, 下午要開會就咩都冇得做架啦! 午飯買米線食, 都係睇吓電視吹吓水咁啦! 下午返哂嚟差不多4點就開會啦, 開到5:30囉, 人多多真係好嘈好煩好多嘢講! Hea咗陣我都走人啦, 唔理佢地! 老公揍埋兩隻豬仔嚟接我, 去咗荃灣剪頭髮, 柏仲又係喊到嚇親人啦, 有個等緊剪的都走咗話轉頭先再嚟! 仲豬而家識講, “我唔剪頭髮, 剪頭髮好痛”, 你咁樣剪法就梗係痛啦, 激恐死! 剪完喺附近平平地食茶記咋, 跟住買咗糖水! 返到去老公帶咗兩個去籃球場打波, 我返屋企放低嘢先, 再去買埋麵包, 就上球場找佢地, 玩到8點幾回家啦, 佢地沖完涼, K.O.咗仲仲我還要對功課等等, 沖完涼仲有幾機衫摺, 好在邊睇電視邊摺, 睇嗰個新台99, 的確係多個選擇呢!