2/4/16

2/4/16   SAT   WARM

老公今日就返啦, 不過係夜晚先返! 今朝拖到8點先起身, 阿媽8點幾過到嚟我都差不多, 交代子元執好功課要對好唔好再錯漏, 等我放工返來對! 返公司都係等時間過啫, 放工就返去啦, 仲仲食緊飯啦, 等仲仲食完我地先食, 跟住就同子元對功課啦, 錯漏又點會冇呀, 都係要我鬧一餐啦, 阿媽後來同我講番, 話柏仲見我鬧緊子元時, 走埋去同佢講, “哥哥曵, 媽媽鬧”, 仲要細細聲驚我知咁! 對到3點一定要出門口, 3:30返去學校乒乓波, 仲仲唔肯瞓, 於是阿媽幫我揍子元去打波, 我就喺屋企打暈仲仲, 我捉佢就去瞓, 又蝦婆婆! 等佢瞓咗我就可以對埋餘下的功課, 然後摺埋衫執吓屋咁! 柏仲瞓到5點幾, 約咗程家佢地去小童抄圖書交功課, 去小童大有大做, 細有細玩, 今日仲要冇人, 我地包場任用! 做到7點幾8點佢地玩陣就去附近食嘢, 程生問有冇新嘢試, 我咪介紹去北海道食囉, 點知都要等吓位之餘仲要冇哂飯, 咁可以食通粉意粉的, 食完8點幾9點, 起返去快手沖涼, 因為子元要睇超人喎, 不過佢睇到咁上吓都想瞓, 但又話要等埋daddy返, 見明天都係畫班啫就由得佢啦, 11點多老公返到嚟啦, 終於見到佢個daddy, 睇埋超人1點先瞓真係好少有!