12/4/16

12/4/16   TUE   RAIN

今日又係忙忙碌碌啦! 朝早柏仲又要一齊落樓, 見冇雨就一齊囉, chok哂可愛咁啦! 揍咗佢返去我就返工啦, 今朝都係忙忙地咁啦, 都有公事要做架, 10點多過咗對面海做嘢, 順路買咗件夏季泳衣比子元, 買大件D應該著到呢季! 午飯後都係做吓自己嘢做吓公事啦, 老細差不多4點先返嚟, 本來我都冇咩需要找佢, 但因為要救另一位同事, 幫佢對衡老細嘛, 我地唔再團結就好難做! 放工閃人返去接子元同埋買餸啦, 點知老公打嚟話嫲嫲想出去食, 咁D餸唯有留番明天啦! 行過去東京街嗰邊食, 之後一路都大雨, 叫老公泊喺樓下算, 食飯時我已經冇哂力量對付柏仲, 因為作傷風, 係咁流鼻水, 只求快D食完返屋企休息, 只是對咗功課, 叫佢溫默書, 要老公幫佢默又唔係好默得掂, 最終都叫做默到啦, 執好嘢佢話要同daddy玩鬥獸棋咪比佢玩一鋪先瞓囉! 我食咗藥, 未夠11點已好攰, 但瞓又係咁打噴嚏, 流鼻水, 鼻塞, 醒咗好幾次呢!