15/4/16

15/4/16   FRI   COOL

今日又要出去做嘢, 不過我又唔洗咁早過到去, 所以揍咗仲仲返學就返公司放低琴日開會個file先, 跟住就過去中藥業嗰邊, 其實都係老細協辦的活動, 去到都係10點多啫, 低B妹同經理已經到咗, 好在我喺呢個場都有熟人, 可以吹吓水有講有笑吓, 跟住又主動去跟吓嘢咁囉! 總之全程我都係問心無愧咁見嘢就做, 自動自覺架啦, 我呢D牛嚟架嘛! 到散場時有個阿婆行唔穩, 咁老細叫我同另一個工作人員扶佢落去, 不過真係搞咗好耐, 最終我地撘番lift上去時就撞到老細全部人, 我話我未攞袋喎, 咁佢就話等我一陣, 我心諗, 若果唔係喺lift口撞到, 佢地會唔會完全唔理我走咗呢! 都唔諗得咁多啦, 二仔底死跟! 食午飯時都幾好架, 有講有笑, 真好假好我都唔理啦, 大家鬥好戲GE啫, 同埋其實我個人真係好冇所謂, 其實人對我好我對人好GE啫! 食完返得公司都3點啦, 真係好多嘢做同跟, 快手搞掂埋就放工返去! 阿媽揍咗仲仲返去疴POPO, 點知都係疴唔出, 冇法! 咁一齊出番小童接佢地游水, 老公已到就放低仲仲比佢, 我上去幫佢地換衫, 點知上去見到子元比ms fan訓示GE, 咁都唔阻佢啦, 叫兩個女仔去換衫, 等子元比人訓完就叫佢去換衫啦, 見到ms fan就問一問咩事, 咁其實都係小事出吓手啫, 因為人地踩到佢, 佢又還拖, 咁就互打囉, Ms Fan都話子元係衝動, 不過已經進步咗, 但始於都係蝦另一個Ms囉, 都係衰架啦但今次肯認錯都有進步, 遇著呢個咁好GE Miss肯幫你教埋仔真係好好! 跟住同兩個女仔換衫, 子慧又話唔著上水褸, 但我話你媽媽話一定要攞比你著, 咁佢竟然話咩都係佢阿媽話哂事等等, 我咪教佢咁話, 有D事你未夠年齡去做決定嘛, 佢竟然駁咗佢, 我電話都有啦點解唔做得決定喎! 唉….我真係冇嘢好講, 都係留番比人自己教, 我冇本事! 揍咗佢地去泳池就返屋企, 叫老公揍埋仲仲去買乳酪食, 咁我返上去執一執番好個現場先! 煮得飯嚟仲仲都食唔切, 所以就同枱一齊食啦, 忙忙亂咁, 5個小朋友食完可以一齊玩, 不過梗係十九幾萬樣投訴架啦! 執碗洗碗抺地, 佢地10點多都走啦! 搞掂子元瞓覺我地都沖涼瞓啦!