5/4/16

5/4/16   TUE   WARM

又放完假要返學啦, 變番6點幾要起身啦, 蒸好飯子元帶飯, 仲仲就喺我地出門口前醒咗, 而家可以放佢喺屋企開住pigpig等佢睇就可以揍子元上樓車, 跟住返上嚟就搞掂仲仲出門口返學啦, 然後都係買早餐返工啦, 今日sales team來了個新經理, 不過都唔係好關我事GE, 反正佢又坐老細嗰邊, 只係食飯時麻煩D囉, 佢唔喺到食其實都OK GE! 我地午飯後依然可以吹吓水咁! 下午都係做吓自己嘢啦, 之後都係等收工, 放工買餸返去, 阿媽就一路講番姑姐同阿嬸搞阿嫲單嘢啦, 都係堅離地囉, 以為請咗工人就一了百了, 但train呢, 阿妹比阿嬸說服咗上去train個工人, 總之阿媽就一肚氣, 而我地亦覺得佢地離開香港後就可以唔理, 呢D係長遠嘢, 唔係話請個工人就掂! 而家都係煩架啦, 只可見步行步先囉, 阿媽add咗我地入group, 等老公適當時候爆醒佢地, 等佢地知道要落番地面! 食完飯老公好乖咁幫子元溫默書, 咁我可以洗碗抺地, 柏仲就冇人理所以係咁做衰嘢引人注意! 等子元溫好書, 先K.O.咗仲仲, 老公就帶子元去打籃球, 我就做屋企嘢, 其實都唔係做咗好多嘢, 想沖涼都未沖得切佢地就返, 比佢地沖咗涼先囉, 今日好似好攰咁, 衫都唔想摺, 只係hea到眼瞓就瞓啦!