1/4/16

1/4/16   FRI   WARM

今朝先揍咗子元去YMCA, 因為佢今日活動要8:45出發, 所以8點就放佢喺中心等, 我再揍仲仲入青衣! 咁樣揍都係要個半鐘, 原來時間真係差不多! 揍咗仲仲我就返工啦, 今日都係好hea, 我又變番好hea啦, 算啦, 我都係啱hea架啦! 午飯反而最忙, 要返美孚幫老公攞佢ROBI的郵件, 仲有要去銀行, 咁反正都要食飯, 今晚餐飯又未買魚, 於是我就去咗買飯盒同埋魚, 再行返屋企快扒完又仆返公司, 1個鐘我就做咗咁多嘢啦! 下午都係無聊地睇埋本小說, 老細係返咗, 但佢掛住哄佢個低B妹嘛, 唔阻住佢! 放工閃人, 返去整起D餸先, 跟住就出去小童接佢地, 今日勁準時放喎, 可以慢慢換泳衣再等程生嚟接我地, Gloria揍佢地入泳池, 我地就可以早D入青衣接柏仲, 返屋企先同佢沖涼, 因為嫲嫲比咗飯佢食, 我又做少一樣, 同Gloria合作煮飯等等, 8點佢地上到嚟就快手幫子元沖涼, 開埋飯就沖奶比仲仲, 唔打暈佢唔掂! 佢瞓咗我地安心食飯, 之後洗完碗抺埋地都未夠10點, 我就沖咗涼先, 出到嚟Gloria問有冇敏感藥, 敏瑩唔知掂過咩捽眼, 搞到腫哂, 好在都有藥, 食咗都叫佢地執嘢回家啦! 等佢地走咗我就消毒吓子元張床先, 再趕佢去瞓, 佢又講吓今日託管班去BBQ同騎馬D嘢囉, 咁聽佢講都幾開心, 同埋分番開高小低小會好D, 阿SIR都教訓咗蝦子元的高年級! 等佢地瞓哂我就可以hea, 摺衫睇電視, 又瞓咗兩集步步, 真係睇幾多次都唔嫌!