3/4/16

3/4/16   SUN   WARM

星期日都係朝早去畫班啦, 仲仲一早醒咗啦, 子元就要叫先醒啦, 揍咗佢去畫班我地就去食早餐, 程家今日又迪士尼! 食完早餐上阿媽到攞嘢, 然後就去接番子元啦, 先返屋企因為子元1點都要踢波, 咁我就同子元執好張書枱啦, 又要返學啦, 唔好成個垃圾崗咁! 老公打暈咗仲仲, 但條友仔瞓得1個鐘左右, 子元出咗去踢波一陣, 我都未執完屋佢就醒, 係咁比嘢佢食啦, 要等子元踢完波先出街, 同仲仲兩個喺屋企無無聊咁啦! 3點多老公返到嚟接我地, 先去食D嘢跟住就去咗觀塘海濱公園, 都幾好玩喎, 起碼D遊樂設施同平時的唔同, 同埋好大地方, 約佢地嚟片車都正架, 不過遠遠過到嚟淨係玩呢D又未必啱! 玩咗大半個鐘我都攰啦, 咁又要再諗去邊, MEGA BOX泊唔到車, 於是去咗荷李活廣場, 攞咗飛食嘢, 行住等囉! 柏仲完全失控周圍走, 抱佢又唔多肯, 好麻煩! 食完嘢再行埋另外兩層啦, 8點幾就回家了, 沖好涼兩隻豬都攰到瞓, 我地就hea吓睇吓電視啦, 有金像獎睇呢!