20/4/16

20/4/16   WED   WARM

今日都係如常咁返學返工啦, 同老公食埋早餐就返工, 今日唔算多嘢做, 但又冇咩好打發時間, 仲辛苦! 朝早都係做吓自己嘢啦, 午飯後去咗Aeon shopping, 覺得買咗好多嘢, 但都係六十幾蚊咋! 下午都係hea啦, 臨放工先有信要出, 做埋少少先走囉, 廢事明天返到嚟又唔記得! 抬埋D戰利品去買餸, 真係覺得自己好勁! 買好餸行得返去都6點幾, 阿媽就閃人放工啦! 兩隻豬仔都算乖咁自己玩喎, 我就專心煮飯啦, 老公回來不久都食得啦, 8點前食完, 仲仲今日食得好好呀, 馬上讚吓佢鍚吓佢, 希望明天都可以keep住咁啦! 沖好涼打暈咗仲仲就到子元對功課溫書, 點知見佢手冊被寫冇交功課, 但嗰樣功課冇出現過, 我咪火囉, 一來佢又唔寫要做, 二來佢坐最尾, 冇派到比你你就醒目出去攞啦, 兩日都可以冇, 咁梗係寫你手冊啦, 我叫佢明天自己返去解決, 不過都喺手冊寫番叫老師派番一份比佢! 跟住默中文, 背默時又呆哂咁, 本來都想放生佢, 但都係唔得, 所以要佢默埋讀默同詞語, 搞掂哂佢我先可以沖涼囉! 今日有精神可以睇埋J2套劇先瞓!