18/4/16

18/4/16   MON   RAIN

今日落住雨返學, 真係幾唔方便, 好在子元上車時都冇雨啫! 揍咗仲仲就同老公食埋早餐然後返工啦, 而家老公車我去地鐵站, 可以平少少又可以快少少! 返去做好少少自己嘢就要開會啦, 開完會又要做Minute, 真係多咗好多嘢做! 午飯買飯上嚟食又睇吓電視咁啦, 老細唔喺香港日子總是好過一點, 下午都係要做吓公事架啦, 放工前接到個傻佬電話, 問十萬九千樣無謂嘢, 搞到我5:50先走得甩, 全晚的時間就咁推遲咗, 激死! 返去買埋餸接得子元撘得巴士返去都已經7點, 快手煮飯啦但都要8點先開到飯! 好在之後都追得番時間, 仲仲9點前瞓到, 但子元就沖完涼先發現未做視藝, 仲要油水彩, 開哂檀咁, 我就開始炆啦, 叫咗佢唔好交之前嗰晚先嚟做! 等佢做好埋再沖涼再執好嘢都10點多, 我先可以去沖涼, 老公仲捉住子元練陣波先比佢瞓, 明天要拖佢都唔起身啦! 我都好攰啦, 沖完涼仲要摺埋衫先有得瞓呢!