14/4/16

14/4/16   THU   RAIN

今日係商會開會, 不過唔想出咗去全日, 所以都係返吓公司先, 現吓身都好嘛! 返去做好D嘢就行啦, 預番同Nicho差不多時間到, 食飯前做得幾多得幾多先, 午飯又係去翠華食啦, 返到去都係再做嘢, 2點前叫做做好哂啦, 期間不停同佢兩個呻老細同低B妹D嘢啦, 佢兩個梗係幫我GE, 不過心理上點說服自己都好, 當個死人老細一D面都唔比你時, 就真係會令人好灰, 成個feel比你就係想當你透明, 咩都叫低B妹做咁, 勁sad囉, 係因為人要面樹要皮的原因, 話哂我喺商會都好幾年日子, 好似有種落我面GE感覺, 平時在商會開開心心架嘛, 比佢搞衰哂! 5點多終於走得, 返去仲要買餸, 買埋明晚D餸都幾多, 返到去仲要睇住佢兩隻嘢嚟煮, 不過我都攰到冇力! 老公回來後好D啦, 食完飯8點多老公負責佢地沖涼, 我就要洗碗抺地, 打暈咗仲仲, 子元又對好功課, 佢就捉住daddy玩圍棋, 老公邊識玩啫, 佢又諗到辦法喎, 就係用手機apps, 即係等於子元同電腦對戰囉, 結果陸生行到108粒冇得再玩因為免費apps冇再提供點行啦, 好搞笑要認輸囉! 咁就趕佢去瞓啦, 我就要沖涼摺衫等等! FOX MOVIE做套戲老公想睇, 咁又睇到1點先瞓!