19/4/16

19/4/16   THU   WARM

其實柏仲可唔可以唔咁早起身呢, 我有時都係想瞓到鬧鐘響啫! 佢一早跟埋我起身, 已經忙碌的早上仲要理埋佢真係好趕! 搞掂哂就返學啦, 食埋早餐就返工, 今日冇咩會要開, 老細又不在, 都唔算太忙, keep住有嘢做咁解啫! 午飯後都係睇吓電視咁囉, 下午又係做吓公事做吓私事啦! 然後就係等放工, 今日快手D走啦, 廢事又接到D唔知咩電話! 買埋餸去接子元, 返到屋企快手煮飯, 叫子元溫吓書, 佢好似都叫做有溫過吓, 有時狂迫都係有反效果! 食飯時就到柏仲迫到我顛, 食少少又話唔食啦, 其實識吞識咀嚼但就係玩嘢, 因為到我洗哂碗佢都係未食完, 老公話算差少少, 我話唔得, 已經唔係第一次咁樣, 於是抱佢入廚房局佢食埋, 咪又係食到! 希望明晚唔好又係咁! 仲仲沖完涼飲埋奶就瞓, 到睇子元功課啦, 佢話佢自己默咗英默, 就放過佢, 明天再溫! 不過之後佢又要捉棋, daddy又要佢練波, 都係10點幾先瞓, 我真係唔想佢咁夜瞓! 我自己食咗藥, 真係好散, 所以11點幾都瞓啦!