4/4/16

4/4/16   MON   WARM*

今日係清明節假期, 唔洗掃墓, 去咗3條KING約會, 而家應該係5條king先啱! 朝早8點幾先起身, 但期間都出出入入個廳好多次, 因為柏仲係咁搗亂, 都係GE, 哥哥霸咗部電視佢冇得睇唔周圍搞有咩做咩! 起身後少慢慢梳洗執嘢, 約咗11點幾去Amanda屋企, 所以先去超市買咗嘢先, 然後就去長沙灣食早餐, 最後就直接入屯門啦, 泊好車就上去, 佢地3個到齊就梗係玩同打機啦, 打足一日, 呢頭嗌交嗰頭又狂玩! 大人就不停食, 喺Amanda到係不停咁食, 黃生又整嘢我地食, 個口根本冇停過, 個幾鐘又一餐啦, 係點幾兩個整咗D通粉比兩個細GE食囉! 到4點多兩個細的要瞓啦, 入房又閂窗簾又開音樂, 真係大人都想瞓! 到6點多就外賣上嚟食, 仲仲都醒咗啦, 但食飯時就唔合作周圍走, 打完鬧完都係咁好可惡! 一屋都係男仔真係好嘈架, 佢地玩槍戰時真係找個位休息吓都唔得! 柏仲就一日追住初六嚟玩, 我諗初六真係好想比D顏色仲仲睇, 只係唔可以咋! 到7點幾就閃了, 明天要返學啦! 嫲嫲打嚟話傷風搞到好鼻塞透唔到氣, 叫咗我地買噴鼻的藥攞比佢, 搞掂埋就回家沖涼, 兩隻豬要瞓啦, 我就收拾收拾啦, 喺Amanda到攞咗好多食物返嚟要收拾呢! 之後睇吓電視咁11點幾就瞓啦, 明天又要一早起身了!