10/5/16

10/5/16   TUE   RAIN

今日真係比天文台玩死, 7點個天愈來愈黑, 但只係黃雨, 但落到樓嗰吓根本就係10號風球, 校車同學全部躲喺避到雨GE位, 等校車到才上車啦, 但行出去嗰一小段路, 根本就係有人用條消防喉射你咁, 我都盡量遮子元架啦, 但好似都冇咩用, 我行返轉頭都濕到全身濕哂, 有校車同學仔媽媽話攞衫返去學校, 咁就撘單比佢攞埋啦, 希望子元搞得掂! 上返樓柏仲未起身, 新聞7:35話紅雨, 7:45話唔洗返學, whatsapps group超亂, 大家係咁問洗唔洗返等等, 到仲仲醒咗, 都唔同佢換衫住, 因為要知洗唔洗返嘛, 咁唔洗返就揍去嫲嫲到啦, 我同老公講求先點大雨等等, 佢竟然話我可以唔比子元返, 求先都冇紅雨又冇話停課, 點會話唔返啫, 我真係嬲囉, 為咗唔同佢衝突, 就叫仲仲入房換衫, 跟住都係流洗出門口啦, 今日晏咗好多呢! 揍咗仲仲去嫲嫲到我就返工啦, 呢個時間又冇雨囉! 朝早都係做自己嘢啦, 今朝低B妹同長老入咗廠開會, 所以可以Free D, 係咁吹水! 下午佢地返咗嚟, 又係到令人覺得煩囉, 連廠入面都覺得佢兩個有問題, 搶嘢做不特止, 仲要加重人地負擔, 話自己負責, 但所謂GE負責係, 你做好個report, 我負責睇喎, 人地好地地自己有套模式去做, 你又走去改, 名義上話幫你, 實際係要你under佢, 低Q能! 真係有排受, 最PK係老細又好似buy, 果然係白痴老細愛低B友! 放工返去買餸揍子元啦, 總監差不多7點嚟攞BB衫, 剛返上樓就打嚟就同子元一齊攞落去! 返上樓就快手煮飯啦, 8點到食完, 老公照樣負責兩隻豬沖涼, 不過佢而家成日外判咗比子元做, 真係辛苦, 唔怪得奶奶成日話我地當子元18歲咁, 哈哈! 之後都係日常做GE嘢, 今日功課都唔係錯太多, 教咗改咗問吓書就放佢玩, 我就沖涼啦, 子元練埋波就瞓, 我就做吓文件嘢, 報稅呀等等都未交! 之後摺衫睇電視, 12點幾1點先瞓!