16/5/16

16/5/16   MON   WARM

又要返工返學啦! 今朝仲仲又係一早就醒咗, 咁夠鐘咪齊齊起身返學囉, 不過都係好趕, 一定要7:55出到門口先得, 唔係落得樓行去停車場出得車都太晏, 趕唔切去接更! 而家仲要喺屋企食埋脆片做早餐, 所以真係要再快速D先得! 揍完仲仲唔洗去食早餐, 所以未夠9點就返到公司, 蝕咗添! 朝早都係好忙咁寫番幾日的日記啦, 跟住又要開會啦, 不過我真係覺得經理其實係好唔想我係到囉, 哈! 所以有句說話係啱, 你只是公司的草, 卻是家中的天! 午飯都係睇吓電視咁啦, 下午老細返咗嚟, 但主力同D高層開會啦, 所以等佢開完比咗嘢佢簽就算, 放工都hea咗陣先走, 買埋餸返去接子元, 要安排吓明天點, 因為子元學校教師發展日, 放假一天, 婆婆要OT了! 加上諗住同仲仲睇醫生, 都唔知點安排! 最終只係去藥房配藥比佢算, 買齊嘢差不多7點先返到屋企, 所以食得飯嚟都晏, 老公又要出去開電話卡, 所以飯後洗碗抺地等等我都要一腳踢, 快手K.O.咗仲仲就同子元對功課, 搞得嚟都9點幾, 對埋功課, 叫佢執埋明天帶去婆婆到溫GE嘢已經10點多啦, 我都要沖涼! 之後執嘢摺衫, 12點先叫做做好哂嘢, 點解我咁多嘢做架!!!