18/5/16

18/5/16   WED   WARM

仲仲而家成日都好早起身, 我只係想瞓到6:45啫, 唔過份呀! 起身後子元已經衫都換埋, 咁我做少樣就可以快D, 仲可以幫仲仲換埋校服先揍子元校車! 返上樓食埋早餐出門口啦, 今日算趕得切啦! 返到公司都係hea吓做吓自己嘢啦, 難得悠閒就悠吓算! 午飯後去咗AEON周三特價日, 用埋嗰兩張卷, 買咗烏冬, 飲品同脆片, 下午返去又要開會啦, 之後又有D數要計喎, 我最怕計數架嘛, 唉! 搞到遲咗收工添! 今日冇咩心情煮飯, 經過美孚大家樂就不如買燒雞餐, 再去買D菜就得! 所以今日可以閒D, 食完抺地執好嘢就同仲仲沖涼瞓覺, 同子元對功課溫書, 仲趕得切睇郎琊榜, 老公就話攰早瞓, 我自己咪睇到12點幾先瞓囉!