1/5/16

1/5/16   SUN   WARM

五一勞動節但我好明顯唔適合勞動! 朝早8點多起身, 因為子元10點要去沙田踢波, 所以齊齊出動, 以為佢係踢一場, 但原來係踢幾個鐘, 有D後悔一齊嚟, 一來都熱同曬, 我瞓唔夠好快開始頭痛, 二來要睇住柏仲唔搞事都係好吃力的事! 去到食完早餐去球場, 話10點集合但原來11點先開始踢第一場, 單巡環即係一個鐘踢一場, 真係等多過踢, 開頭我都OK, 但之後愈來愈燥, 仲仲又搞事, 都開始火, 仲仲比我地打咗幾轉喊咗幾轉架啦, 到點幾兩點終於走得, 去咗新城市食D嘢, 本來諗住買料煮晚飯, 但真係冇咩買得落水又冇頭緒, 最終都係放棄, 直接回家算! 返到去執一執嘢我都去瞓啦, 頭痛到爆! 老公到咁上吓就出咗去踢波, 到7點左右子元叫醒咗我, 因為仲仲都醒咗, 所以我點都要死起身, 諗唔到食咩, 就不如快快手手去美心買外賣算, 趕得切8點回來睇inside out, 睇完同佢兩個沖涼, 差不多10點放番仲仲入去瞓, 就由得子元做自己嘢, 但佢都冇好主動咁溫過書, 係我叫佢執好間房叫做執過! 我今日都冇力理佢啦, 我沖完涼差不多時間就叫佢瞓, 等老公回來, hea吓就瞓!