19/5/16

19/5/16   THU   WARM*

今日都係如常咁返工返學啦, 揍咗子元仲仲返學等等, 老公就車埋我返工啦, 所以好早就返咗嚟啦, 真係有D蝕蝕地咁! 做好自己嘢就開始要做埋D sales report啦, 冇辦法啦咁多年冇咩執個咁多個口岸, 係要D時間, 所以今日好充實, 勁快就放lunch, 食完都係睇吓電視, 都未夠兩點老細就返, 嗰兩條友就係到扮勤力啦, 平時又唔見咁早係到做嘢, 我地4個真係做唔出, 都係夠鐘先返去開工啦, 佢計到人咁盡我地亦唔洗客氣! 下午繼續做埋個report啦, 因為真係有好多料要入番, 做起都差不多放工了, 都仲未諗買咩餸, 唯有邊行邊諗啦, 因為仲要買埋明晚餸呢! 返到屋企又要處理仲仲的POPO, 因為佢又疴唔出, 不過放咗佢入廁所就搞掂了, 可能太長啦喺片疴唔出呢! 跟住煮飯啦, 老公今日唔返嚟食, 因為去踢波, 不過佢都要返嚟攞衫, 兩隻豬見到佢真係會好開心架喎, 我係咪真係太惡呢, 但好多時我都要好趕咁做好多嘢, 又一屋嘢要我做, 唔係玩嘛, 所以先會咁, 唉…真係好難做呢! 食飯時兩個都冇咩胃口啦, 因為老公買咗嘢返嚟食兩個又食咗D, 激死! 收好碗洗埋先同佢地沖涼, 不過都係叫子元同仲仲沖就算, 我就抺好地先! K.O.咗仲仲就同子元睇功課, 搞掂佢又話數學要做咩網上功課, 一定要做, 咁我就開電腦比佢, 但佢都冇做哂因為眼瞓喎, 咁咪叫佢快D瞓囉, 老公都早返到, 我就掛住睇琅琊榜, 睇完先沖涼呢, 然後邊摺衫邊睇J2套劇啦, 12點幾瞓啦!