4/5/16

4/5/16   WED   WARM

今日仲仲都一齊起咗身, 好在都算合作, 揍咗子元校車就返上去換衫出門口, 有點趕去到青衣接更啦! 食埋早餐就返工, 今朝都係做吓自己嘢先, 下午先開會咋嘛, 而家又唔洗我寫會議紀錄啦, 仲有咩好做呢! 午飯後去咗Aeon周三特價日, 又去咗買嘢, 真係好衰又買咗二百幾蚊嘢, 不過唔緊要啦都係用GE食GE咋嘛! 因為今日子元放咗喺Letty屋企, 所以買定餸放工可以即刻返去! 下午開完會都有嘢跟進吓啦, 放工就閃了, 因為買咗好多嘢, 返上樓放低先, 見到我地樓層其實中部成日壞GE lift困咗人喎, 到我放好嘢過去接子元時, 先有人嚟開到門, 真係好驚囉困咁耐! 過去接子元時佢根本唔願走, 咁多玩具玩喎, 梗係唔走啦! 終於返到去先整住餸先, 有時間馬上睇功課同埋叫佢改啦, 咁佢都合作做自己嘢, 7點多老公回來, 搞掂就開飯啦, 食完飯都係洗碗抺地的洗碗抺地, 沖涼的沖涼, 8點幾K.O.咗仲仲就睇埋子元D嘢, 佢自動自覺其實我真係放鬆D佢架, 9點幾已搞掂哂嘢, 我就想落去跑步, 老屈子元陪我去, 點知條友跑咗都冇30秒就話橫間膜痛, 咪叫佢坐去櫈休息囉, 最終佢都冇咩跑, 同咗現場一個小朋友踢波, 我就跑咗15分鐘咁大包, 8個圈左右啦, 都已經出哂汗啦, 一開始唔好跑咁甘, 比D時間自己適應! 返去沖完涼就趕子元去瞓啦, 我就要摺埋衫啦, 11點多已經可以睇電視啦, 睇哂J2套劇先瞓!