2/5/16

2/5/16   MON   WARM

勞動節補假, 冇咩特別嘢要做, 只係中午時睇美國隊長3, 起身hea到咁上吓就出去食早餐然後入青衣放低仲仲, 分頭行事去買D衫衫褲褲咁, 12點半就去睇戲, 睇到差不多3點呢, 不過都真係幾複雜, 唔係睇一次就消化得哂呢! 去食個車仔麵買埋返去比嫲嫲, 接番仲仲就出街, 去咗將軍奧單車公園, 但原來都唔係咁好玩, 加上本來諗住比仲仲攀吓石架嘛, 點知佢瞓足咁耐喎, 上番車佢先醒, 所以都冇得玩, 子元就玩夠本, 但叫佢攀石時梗係頓胎俠上身咁啦, 唉…冇眼睇! 諗住喺popcorn食晚飯但又排唔到車位, 於是想返長沙灣食就算, 因為我已經好攰, 點知錯咗路線就將錯就錯去咗九龍城食打冷囉, 反正仲仲都未食過, 買埋糖水滿足地回家, K.O. 咗仲仲先, 但仲有好多嘢做, 例如N 咁多衫未摺, 仲仲書包未執, 子元冇主動執書包校服只顧打機, daddy一樣! 所以我阿燥上身, 到咁上吓時間我已經唔去發火, 放棄! 沖完涼出嚟係見子元入咗房瞓呀, 但叫佢默一次中默, 寫喺塊板都睇唔到叫番佢落嚟默, 都有錯架, 叫佢明天放學返嚟抄番5次比我囉! 繼續阿燥上身, 教訓咗佢一輪, 其實老公都應該一齊聽, 我手就得一對, 唔識幫手只會加劇我阿燥上身的次數!