12/5/16

12/5/16   THU   HOT*

今日都係如常咁啦, 朝早揍咗子元校車啦, 跟住到仲仲換衫返學, 揍咗佢入學校就食早餐返工! 今日都係狂做自己嘢, HEA! 下星期老細返啦, 冇自由的日子, 算是享受埋佢咁解啦, 過得一日得一日! 午飯後都係睇吓電視啦, 下午又係做自己嘢, 完全唔想理嗰兩條友! 放工買埋明天餸就返去, 仲仲啱啱瞓醒, 阿媽夠鐘就梗係收工啦, 洗個面換件衫我又開第二份工, 整飯整嘢又睇吓佢兩個玩咩, 唔洗對功課溫書真係超輕鬆, 但仲有唔夠一個月又考試, 睇怕都有排受! 老公回來食飯啦, 如常8點多沖涼的沖涼, 做家務的做家務, K.O.咗仲仲就跟吓子元嘢啦, 出出入入都唔知自己忙咩咁, 9點幾沖好涼, 子元同daddy練埋波就瞓! 我就要摺衫啦, 之後睇J2劇都一路瞓一路睇, 今日好攰!