14/5/16

14/5/16   SAT   HOT

是日公眾假期, 今日主力係玩囉, 朝早我7點多就比人叫咗起身, 仲仲晨早流流POPO, 咁都要起身服侍佢, 個人都醒哂就起身做嘢囉, 要摺衫啦, 又執嘢等等, 到差不多9點叫埋老公起身, 出得門口去食早餐都10點多, 食完早餐回來買咗煙霧滅蟲劑返去消一消滅吓D蟲, 咁就要出街啦, 先去咗尖沙嘴, 又係只可以行玩具反斗城, 見到有架滑板車特價$199喎, 淘寶都冇咁平啦, 不過係兩轆但佢都照要, 但佢仲未儲夠50個印, 所以買咗返去都未有得開封住, 要儲夠印先得, 好在佢都肯聽! 買完再去咗幫子元買返學鞋就走人了, 泊車夠鐘! 跟住去咗Mega Box, 想行吓IKEA, 都有嘢買到呀, 去到先食嘢, 差不多4點先食午飯! 去完IKEA之後點都要去一次反斗城, 比佢行一陣囉, 跟住就先返屋企, 清理咗D滅蟲器先, 然後就休息吓收拾吓, 換床單洗嘢等等都好忙! 約咗敏瑩子慧晚飯, 不過要等到差不多9點先開飯呢! 不過仲仲食得好衰, 可能已經眼瞓啦, 但都要食架嘛! 食完都10點幾, 快手返去沖涼瞓覺!