8/5/16

8/5/16   SUN   HOT

母親節官方活動都係食兩餐飯, 非官方活動就係要溫書, 唔可以再咁hea呢! 朝早兩個喺廳又係有爭執啦, 仲仲又係衰成日搶子元D嘢! 出去食早餐上畫班, 我地揍完佢地再食早餐啦, 攞衫呀等等, 完咗畫班就直接入沙田, 仲去咗馬騮山睇馬騮, 兩個都驚驚地但又要睇, 所以都留咗半個鐘就走, 又熱呢! 入到沙田未夠鐘, 喺商場行吓, 差不多1點先上阿婆到, 今日食自助餐, 有D新意呀! 之後老公去駛番架車出嚟, 又帶咗兩個去遊樂場玩, 期間仲仲有得POPO, 又要返上嚟同佢換片! 坐到3點左右就走啦, 去青衣接奶奶返荔欣, 今晚老公煮! 兩隻豬喺車瞓, 難為我要抬番好佢地等等, 點知瞓得嗰大半個鐘, 返到去仲仲就醒咗啦, 所以下午喺屋企都係亂亂地, 又要同子元溫書, 佢條友好多課冇讀過啦! 到晚飯開餐啦, 今日係西餐同刺身呢, 不過好似唔係好夠飽, 所以煮咗丁麵呢! 之後洗好碗, K.O.咗仲仲, 老公送咗奶奶佢地返屋企, 就抺地沖涼啦! 今晚老公又睇波, 所以我又自己瞓先啦!