3/5/16

3/5/16   TUE   WARM RAIN

仲仲今朝冇早起, 可以專心趕子元返學, 之後老公唔願起身, 又要開始去新停車場嗰邊攞車會耐D, 結果就遲咗返到學校啦, 仲要著錯咗衫喎, 今日應該係著西服呢! 食埋早餐返工啦, 今日都比較hea, 冇咩嘢趕冇咩嘢急, 可以輕鬆吓呢! 朝早都係做吓自己嘢, 午飯睇吓電視咁啦, 下午都係做自己嘢, 間中做吓公事咁又放工啦! 不過放工先嚟落大雨囉, 有遮都濕呀! 接咗子元佢又係到激我啦, 又攞漏嘢又係咁手多, 咪比我教訓咗一輪囉! 上到巴士又塞車, 後來先知原來有的士撞到BB車, 好在係輕傷咋, 我地只見撞欄架的士! 返到屋企子元都好合作, 都自動做好D嘢, 希望唔係得一日啦! 煮好飯7點幾啦, 仲仲今日又好合作食飯喎, 起碼食咗大半先玩嘢! 飯後洗白白啦, 我就洗碗抺地同時K.O.埋仲仲, 老公帶咗子元落去買嘢順手交埋校車費, 回來後就對好功課溫書, 我同佢默埋英文先沖涼, 但佢之後又要打陣機練埋波先瞓都10點半, 我就要摺好之前未摺的衫, 又做足一個鐘! 打咗陣機12點多就瞓, 臨瞓前喺VIU TV見到休同CW上電視喎, 應該係佢拍咗個節目被訪問做調查咁, 馬上影咗佢放上group比佢地睇呢!