29/5/16

29/5/16   SUN   HOT SUNNY

今日真係好熱呀, 出一出街已經一身汗! 朝早又比仲仲嘈醒, 咁都要起身去畫班架啦, 快手食咗早餐捉咗佢地上去啦, 然後我地就去食啦, 仲仲例牌唔合作, 好麻煩! 食完就去咗睇泳衣, 係平但唔多啱, 剛買咗件新GE啫! 畫班完返屋企, 開波溫陣書先, 老公捉咗仲仲去瞓, 佢自己都要瞓啦, 咁子元夠鐘去踢波我咪揍佢過球場囉, 又唔洗留低睇住佢GE! 點知返去時架巴士又飛站, 真係好乞人憎, 返到站頭咪同個站長講囉, 不過都知冇用架啦, 早知爆吓佢啦! 返到屋企老公醒咗, 咁佢夠鐘就去接番子元, 仲仲都瞓到3點到, 等老公買得KFC回來食都4點多, 食完本來應該繼續溫書, 但我真係又攰又頭痛, 最終冇溫哂常識, 叫子元自己做數學卷算, 老公就揍咗仲仲出去, 等我抖吓! 7點前嚟接我地過程生到食飯, 因為出咗去食, 所以都冇咩喺屋企搗亂, 落去邊玩卡邊等位, 食完食埋雪糕就走啦, 返到去都9點幾, 沖涼瞓覺! 老公踢完波11點到返到嚟, 一齊睇埋電視12點幾瞓啦!