10/7/15

10/7/15   FRI   HOT

今日如常返工返學啦, 咩風球都落哂, 子元最後一日做一年級仔啦! 揍咗佢上校車我地就返屋企食奶奶, 然後我就返工啦, 時間關係我唔同老公佢地食早餐啦, 只係幫佢買埋就閃! 返到公司都係做吓自己嘢啦, 放午飯時快手閃去買飯, 因為我未睇番幽靈, 今集都幾好睇架, 話哂都叫做進入尾聲啦嘛! 下午老細返咗嚟, 又話有咩重要嘢講, 點知原來係叫出封信比大陸組講傾合作嗰D叫佢地自己負責番, 真係想唓佢! 搞掂佢地就閃咗, 我地都自由啦, 繼續吹水啦, 咁同個FD吹開水, 講開小朋友食嘢嗰D, 但佢GE說法真係令我好反感, 我好想話佢知, 已經證實咗唔會因為食物而令個小朋友變成有ADHD啦, 佢質疑我點解唔可以比D RAW D GE食物小朋友食, 咁我覺得每個家庭都有佢地自己照顧的方法架嘛, 唔一定有機呀冇味呀就叫做好囉, 真係火到我呢! 老公今晚踢波, 所以唔煮飯啦, 買米線就算, 咁我唔洗買餸, 諗住去萬寧行吓, 但又冇咩特別嘢送就唔買住啦! 過咗小童等佢地, 同冰miss 吹吓水咁, 接咗佢地就去換衫游水了, 老公就去買米線, 跟住返到屋企我就沖咗涼先, 等佢地返到嚟先開飯啦, 食完就打暈柏仲, 敏瑩佢地今日都早D走啦! 子元就係咁砌lego, 又要我陪佢砌喎, 到砌好啦又要趕佢去瞓又要執嘢咁, 搞到我睇少咗半個鐘幽靈呢, 等老公踢完波返嚟咪開劇網睇番囉!