19/7/15

19/7/15   SUN   HOT

好耐未試過出街出足12個鐘, 朝早畫班嘛, 因為要執埋全日出去D嘢所以遲咗出門口, 有點趕食早餐再去畫班, 然後到我地食早餐, 再遊吓商場等夠鐘啦, 本來諗住去睇吓新樓, 但超多人, 直接約媽撘巴士入沙田, 但因為酒樓又勁多人, 最終去咗買大家樂外賣算, 喺屋企食兩個細又可以郁吓, 柏仲當然要賣吓萌啦, 玩到點幾又轉場啦, 出番市中心去IKEA, 最終買咗個掛袋比子元當窗簾用呢! 由於新城市太多人, 老公話不如撘番車去愉景新城先去反斗城, 人少D喎! 去到先去餵奶比柏仲, 跟住咪係咁喺反斗城囉, 子元又要玩卡機又要睇玩具咁, 柏仲有得玩咩都冇所謂, 終於找到樣嘢柏仲係驚架, 就係會自動郁嗰D公仔, 一郁佢就走啫都未算好似子元咁細膽會喊, 不過都好得意囉佢驚個樣! 6點多去咗食晚飯先, 怕晏D人多, 平平地食Delifrance, 不過真係唔多夠食囉, 食完比子元玩多陣就回家啦, 沖好涼9點K.O.咗柏仲, 子元就話要睇未來戰士, 睇到11點幾先肯瞓, 睇佢D牙肉好似發炎, 叫佢平日刷好D又唔肯聽, 激死! 我地12點都瞓啦!