3/7/15

3/7/15   FRI   VERY HOT

今朝老公去interview, 我就等奶奶出嚟揍住佢地我就出門口, 不過兩條友都唔比我好過, 柏仲七點多醒了, 跟住子元就賴尿, 又等我做餐死! 所以買埋早餐返工都晏啦, 好在今日都冇咩做, 都係做吓自己嘢吹吓水啦, 同個FD吹開佢老公, 其實我係咪對陸生太好太放縱呢, 有時要做個聰明的蠢女人, 真係唔易架, 你一日喺到哦住個男人, 佢仲覺得煩啦, 對住佢地, 有時真係慘過揍仔, 所以你話做女人幾辛苦! 午飯後都係睇吓電視啦, 琴晚睇睇吓瞓咗! 下午都係做吓公事做吓自己嘢啦, 老細返咗一陣咁大把! 放工買埋餸返去, 本來諗住約老公佢地喺體育館會合換衫泳班就算, 但返到去發現佢冇還小童D書, 結果都係要仆出去還咗書先, 好在有冰miss 喺到, 可以交比佢就行, 否則就趕唔切! 送咗佢地去泳池就返去煮飯啦, 煮到咁上吓沖埋個涼先呀, 兩隻細係到打吓架咁啦, 都冇咩問題GE, 八點幾齊人, 等子元敏瑩沖好涼就開飯, 但今日D飯失咗手唔夠水, 所以要再加出前一丁呢! 食完洗埋碗抺好地打暈埋柏仲我要睇媚娘啦, 佢地都睇哂先走, 跟手我再開始執嘢先發現子元唔見咗泳鏡, 真係比佢激死, 問佢又好似完全唔知咁! 都唯有買過個啦, 炆死我! 之後仲幫佢執埋書枱等等先再陪佢一陣, 睇埋幽靈但睇睇吓瞓鬼咗又唔知個尾!