20/7/15

20/7/15   MON   RAIN

今日又要返工啦, 而家過咗7點都比佢上床啦, 反正都係暑假先叫做可以瞓晏少少, 基本上平日都係晨早流流就起身! 搞掂我就返工啦, 竟然冇帶遮喎, 好在都唔算好大雨, 但都濕濕地啦! 返到去都係做吓自己嘢啦, 午飯後睇吓新劇啦, 但都幾恐怖, 係心理上的恐怖! 下午總監返咗, 咁點都要做嘢咪寫吓星期四議程囉, 之後又再上吓網囉, 今日放工唔洗返去揍笨元, 因為條友話想返屋企唔去婆婆到, 咁老公唔比, 要佢做好哂功課先返去, 咁佢就快快手做好四點多就自己打比daddy話要返去, 死未! 放工勁大雨囉, 不過返到去都係沖涼架啦, 開飯後就食飯啦, 柏仲照樣係搗蛋, 多多事實囉, 食到咁上吓又唔肯食, 一句講哂嫲嫲係到佢就放肆! 食完飯我快手去食碗, 總之忙忙碌碌咁就最好, 唔理佢地喺出面做咩啦! 抺埋地就執子元書枱, 叫佢一齊執, 唔執真係好難搬番D新書返嚟, 執到差不多9點, 柏仲要瞓啦, 餵埋奶比佢就入房瞓啦, 跟住又到大嗰隻, 睇電視到9點幾先瞓, 終於可以休息吓啦! 我地睇電視到12點就瞓啦!