14/7/15

14/7/15   TUE   HOT

今朝要帶子元返學校學乒乓球, 加上柏仲6點幾又嘈醒我, 真係好唔夠精神, 準備出門口前老公又話一齊食早餐, 咁咪去大快活食咗先囉, 然後我就帶子元去學校, 佢就揍柏仲返屋企! 去到學校又撞到另一個同學仔媽媽, 吹咗幾句先返公司囉! 老細不在香港, 都係勁hea地過, 午飯後都係睇劇咁啦, 下午又係hea啦, 放工地鐵站會合老公同程生佢地, 過大會堂睇小姐少爺的畫展, 真係有種千里沼沼的感覺, 柏仲又扭計係咁要食餅喎, 唔比又喊真係好煩, 所以抱起打暈咗佢, 叫做瞓咗大半個鐘啦! 去到個場都真係好大, 找到佢地幅畫就影吓相先啦, 因為仲要等埋程太嚟, 所以差不多7點先走, 子元就周場走, 敏瑩就病病地唔願郁, 所以睇完就返長沙灣食越南嘢, 本身係幾好食, 但柏仲又搞家, 又要幫子元夾嘢等, 真係食都唔知食咗D咩, 柏仲扭又喊, 要我出絕招捉佢出去講數, 佢真係識聽架, 話完佢數3聲真係會收聲! 食完返屋企啦, 沖涼食藥瞓覺, 我都攰啦, 所以睇幽靈時都瞓咗, 好在明天可以睇番重播!