13/7/15

13/7/15   MON   HOT

又要返工啦, 不過子元就開始放暑假, 生活節奏又要調整! 朝早我自己如常返工, 老公揍佢兩個入青衣, 然後帶番子元去學圍棋, 學完就阿媽揍佢返去, 等我放工先去揍番! 午飯都係睇吓電視咁, 老細唔喺香港真係舒服好多, 唔洗理佢! 下午都係hea啦, 有時真係悶到都唔知做咩好! 放工前同事個孫上咗嚟, 不過我又趕住走, 只係玩咗一陣, 嘟妹仲要喊, 可惡呀! 返去接咗笨元, 去買埋猴棗散比柏仲, 上咗巴士問子元學圍棋D嘢, 佢又講得好好, 起碼講完我都明點玩, 叻仔! 返到去唔洗煮飯, 因為奶奶過咗嚟, 咁就沖好涼先, 不一會柏仲醒啦, 咁煮好飯就食得, 奶奶喺到佢就會搞掂埋柏仲, 食完洗埋碗添, 咁我都會馬上主動抺地, 分工合作嘛! 3位陸生就喺到顛, 子元教柏仲做掌上壓, 但柏仲做到成條海獅咁, 好搞笑, 不過都唔夠條友仔跳跳吓自撞落地, 變咗媚娘咁多個花喺額頭啦, 喊到隻嘢咁囉, 貼咗塊退熱貼舒緩吓囉, 因為用冰佢唔肯, 用退熱貼仲話靚靚添! 9點幾食埋藥食埋奶就瞓, 子元就10點幾先搞掂D嘢瞓! 我都要10點半先可以坐低休息吓, 睇埋幽靈就瞓!