2/7/15

2/7/15   THU   VERY HOT

子元返埋今日又放5日假, 真係去個短trip都仲得! 今朝柏仲未起身所以冇帶佢落去啦, 不過返上樓就聽到佢喺到拍哂門咪救佢囉, 換片食奶摺衫啦, 老公8點幾先起身, 等唔切佢食早餐, 我都要快手返工! 買埋早餐返到去咪做吓自己嘢囉, 午飯又要去買飯, 食完睇吓電視咁, 下午吹咗陣水就要開會, 但開足2個鐘真係好攰, 講嚟講去嗰三覆被! 開得嚟都放工! 行返去因為老公話要幫佢買六合彩, 路經曼克頓山間759, 即管上去睇吓, 真係超大間, 又冇咩人行, 我見正價有7折, 最終都買咗D嘢, 再行返去都6點幾, 奶奶趕住出去, 我快手沖個涼佢就閃, 又要陪柏仲又要煮埋D餸又要餵埋柏仲先, 總之就係不停咁做, 個人開始燥, 總之睇咩都唔順眼! 笨元都問我做咩咁激動, 我咪話我覺得D嘢做極都做唔完囉, 佢而家都叻仔咗架啦, 我叫佢幫手好過叫老公, 起碼呢隻真係會郁真係聽話! 終於做好啦, 又係時候打暈仲仲, 跟住同笨元一齊食西瓜, 但對佢好D都唔得架, 因為食完就咳, 唉! 咪要佢飲番D熱水囉! 終於可以休息吓睇電視, 不過睇幽靈睇到一半又瞓鬼咗, 好在明天可以睇番啫!