9/7/15

9/7/15   THU   WARM 3號8號風球

今日一日都是圍繞著風球呢樣嘢! 朝早得3號風球, 唔關小學雞事, 子元照樣返學, 送咗佢上校車就返上樓搞掂隻細, 然後同埋老公去食早餐跟住返工, 因為今日應該會掛風球, 所以都叫嫲嫲唔好出嚟, 老公都係接吓子元放學啫! 我放lunch就去咗同1B家長飲餐茶, 我都有D趕架, 不過至在聚吓啫, 食到差不多2點我都即閃了, 返到去老細剛返到, 不過我係準時, 佢冇得出聲, 簽一簽嘢就走啦, 冇咩所謂, 不過我出咗去食飯時, 同事們好似就好怨言, 因為問老細颱風下的工作安排時, 就好似有D唔鍾意咁, 呢D咪PK囉, 有時個天GE嘢, 一係你上去擋住個風唔好比佢吹嚟囉, 唔洗係到串串貢GE! 最終4點走得, 我行去買餸先, 不過都勁多人囉, 今晚買咗西餐料, 不過都真係買得多咗少少, 所以最終都食唔哂! 食完之後約咗letty佢地上嚟玩, 不過都係玩到9點多, 一來柏仲要瞓, 二來明天係要返學架, 因為已預告落波, 所以大家都係快D返去瞓覺啦, 我今日都好眼瞓, 未睇完媚娘已眼瞓, 所以冇睇到幽靈就瞓咗!