1/7/15

1/7/15   WED   VERY HOT+

今日放假一天, 但柏仲還是6點就起身, 捱到7點幾我叫老公接更, 但柏仲走咗出廳, 老公又跟埋出去, 最終我瞓到8點幾起身啦, 不過都係瞓得唔好, 係咁發夢, 起身後梳洗收拾好就出去食早餐, 回來後老公就揍住柏仲, 等佢瞓咗我地就執好堆玩具, 嗰個位我一路都想執吓架啦, 真係好亂, 最終連張地墊都掉埋啦, 因為太dirty又冇咩作用了, 期間柏仲醒過不過照打暈番佢, 等我有時間拖好埋個地等等, 等佢再瞓醒先出街! 今日去奧海城因為嗰頭有得免費放四驅車, 咁撘車去荔景轉地鐵啦, 等小巴等唔到反而等到架42, 咁價錢差不多都可以照撘啦, 上到車放柏仲就咁坐好, 因為佢近來乖咗我都冇扣住佢, 點知一轉彎有架車突然出嚟, 搞到巴士要勁stop, 因為我又攞緊紙巾幫子元抺汗, 冇欄住柏仲, 結果….佢向前一飛又撞到個嘴, 再成個跌咗落地, 真係嚇死我, 因為個嘴又流血佢又喊, 老公放好架車仔來睇吓點, 司機都停埋一邊睇吓洗唔洗call白車, 好在飲咗D水止到血又冇撞甩牙咋, 但足以嚇到我亂哂! 去地鐵站落車仲識同人講bye即係冇咩事, 但到我腳抽筋!! 去到奧運站先食咗嘢先, 笨元就走咗去放車, 又係情緒失控咁囉, 一玩一人多就會咁, 嘈到死! 由於柏仲有得睇冇得玩, 帶咗佢周圍行, 由得子元喺到放車, 都放咗有半個鐘要佢走啦, 過番奧海城行, 要買吓衫先, 喺UNI撞到Ben佢地呢, 大家都係行吓街, 我地買完衫就要去睇玩具, 柏仲就食吓奶, 最後去埋書局買暑期作業, 子元又話要買兩本小百科, 咁佢話買書你都要買比佢架, 希望佢真係睇啦! 買夠嘢就撘巴士返美孚太興食晚飯, 最衰冇帶埋嗰兩張卷, 帶得$100出嚟, 所以晚飯都係要補番百幾蚊呢! 之後去759買少少嘢飲就回家了, 沖好涼比兩隻嘢玩陣就食奶瞓覺, 子元都要瞓啦, 明天又要返學嘛! 我地就睇埋幽靈先瞓!