12/7/15

12/7/15   SUN   HOT*

今朝如常起身後同子元去畫班啦, 柏仲6點就嘈醒我, 令到我勁攰囉! 揍咗佢地上去, 大人們就去食早餐啦, 然後忙忙碌碌咁我要去小柏到攞D衫仔, 程太就周圍買嘢, 搞掂就去接佢地各自回家了! 返到去柏仲已瞓左, 佢喺車已中緊眼瞓, 咁我又開始忙, 先同子元做吓暑假時間表, 但佢又好似未係好明, 但都要佢企喺隔離, 一齊討論每日做幾多作業等等! 然後就去惠康買餸, 因為老公今晚又踢波, 另外又冇材料煮飯仔比柏仲, 咁咪落去買囉, 之前交帶落叫兩位陸生吸塵抺地, 點都要幫輕吓我啦嘛, 十九幾萬樣嘢做! 回來後開始煮嘢啦, 子元又話悶咪叫佢幫手囉, 煮吓烏冬腸仔啫, 就叫佢砌囉, 等佢手指做吓運動, 雖然砌得醜樣但都係好開始! 整得嚟2點幾有得食啦, 食完就齊齊睇running man, 今集都幾好笑! 但睇完我已經好眼瞓, 老公踢波6點先出門口, 所以我唔理咁多瞓一覺先, 否則到佢地瞓之前都仲有幾個鐘, 點頂呀! 起身後hea陣就煮晚餐, 都係三文魚意粉, 不過笨元可能午餐食得太多, 食咗大半嘔喎, 好在佢已經識自己處理, 入廁所嘔完搞番掂, 出嚟又話要食過, 真係有出有入呀! 食完飯洗好碗就齊齊洗白白啦, 盡快8點半前K.O.咗柏仲就睇媚娘大結局, 醫生話笨元頸喉位咁敏感, 可以用刷的方法同佢刷多D, 令佢感低個敏感度, 但未有刷就用手同佢捽住先, 捽到未夠9點半就瞓咗, 於是叫佢刷埋牙就去瞓, 我就享受每日最free的時光! 老公11點多先返到嚟, 等佢沖埋涼, 食咗Barry送的荔枝, 12點幾先瞓呢!