15/7/15

15/7/15   WED   HOT

今日唔洗揍任何人出出入入, 但因為柏仲又係一早嘈醒我, 又要瞓上嚟, 今日因為我太攰冇同佢作戰, 就比佢成功咗! 激死! 買埋早餐返公司食啦, 今日都係超hea地過, 於是就喺到整吓廚房呀睡房呀嗰D設計囉, 都係時候諗吓, 出年暑假整都差不多! 午飯後睇吓電視啦, 下午再繼續研究個廚房囉, 放工就去接笨元放非洲鼓囉, 老公揍咗子元出去都冇返屋企, join埋我一齊行陣先去小童接子元! 回家後沖涼等食飯, 飯後老公同子元去踢波, 冇柏仲份, 佢已經勁喊, 跟住唔比佢做任何佢想做GE嘢佢都用喊, 可惜佢對住我呢個硬心腸的媽媽, 喊係冇用, 我更加唔會理你, 結果佢係咁追住我個地拖追到我抺完因為冇收聲, 所以我都冇比佢, 要佢坐去梳化等, 叫做收咗聲囉! 嫲嫲未走時都有呵佢GE, 又因為柏仲見到嫲嫲支可樂話要飲, 但梗係冇得飲啦咳緊喎, 結果又喊, 嫲嫲就又抱又呵又話係自己衰, 跟住我都要話吓奶奶, 佢而家未聽得明哂你都仲可以咁講, 到佢大D你再咁講呢, 你一唔比佢飲佢就話你衰架啦! 到9點多就同佢換衫食奶瞓啦, 然後係到執吓D櫃筒, 老公真係好亂, 本來滿滿的執完可以有1/3吉位! 佢地踢完波返嚟就趕子元沖涼瞓, 10點幾我先有機會坐低休息吓, 最終睇埋幽靈先瞓!