5/7/15

5/7/15   SUN   HOT

今朝柏仲7點幾醒, 都算係咁啦, 快手搞掂出門口啦, 食埋麥記送佢地上去畫班, 我地就去食早餐, 吹吓水咁啦, 之後周圍行吓買吓嘢啦, 但揹住柏仲咁行法其實都幾攰, 因為佢都真係幾夠斤兩! 夠鐘就去接番佢地返屋企啦, 本來都冇諗住之後有咩活動, 不過程太話想再過美孚幾間759睇吓有冇嘢啱, 所以等柏仲瞓醒就出去, 期間我就喺到執雪櫃, 抺焗爐咁! 子元本來同老公話UNO GE, 但又要出千咁, Daddy話唔同佢玩佢就發脾氣, 你惹起埋我把火我梗係罰你啦, 因為叫佢執番好掉咗D嘢又係到整到大大聲, 跟住仲要發顛大叫, 真係令事件發酵! 最終要佢入房冷靜, 叫佢冷靜完先出嚟講番咩事, 但都嘈醒咗柏仲, 好在老公都打暈番佢, 我就叫咗子元入廚房幫手洗嘢執嘢, 叫做平息番件事! 等柏仲再瞓醒, 程生佢地又OK, 就出去大家樂食lunch, 其實都兩點幾, 咁食完就去shopping, 由759到萬寧等, 一路行入去行返屋企, 熱到溶! 到5點幾兩隻細瞓哂, 兩隻大喺房玩, 真係夠哂寧靜! 廢事出去食咁就叫pizza hut, 老公出去攞因為自取有8折, 食完玩到8點幾9點佢地都走啦, 咁我地都沖涼抺地等等, 完成後趕番D細去瞓, 自由時間到, 可以睇吓電視, 11點幾瞓覺!