8/7/15

8/7/15   WED   WARM

今朝要返學啦, 所以我又要一早起身, 柏仲反而5點幾醒咗一陣又瞓到我地出門口前佢先醒, 咪要帶埋佢落去囉, 返上嚟食完奶摺好衫, 叫醒daddy揍佢去嫲嫲到, 我就買早餐返工啦, 朝早都係做吓自己嘢, 吹吓水啦, 開會都係開咗一陣啫, 仲呃咗100蚊飯錢! 午飯後都係睇吓電視啦, 下午完全自由時間, hea到放工就返青衣, 因為全部入哂青衣呢! 下午時老公帶咗子元柏仲去康傑探吓老師, 陳主任話柏仲出年1月先開學, 我估佢計佢下學期先開學囉, 都好GE, 又慳一個月學費又慳番上學期書簿費! 跟住又講吓子元學習障礙個case囉! 返到嫲嫲到食埋飯就返屋企啦, 本來柏仲沖好涼架啦, 但佢見我地沖又係都要沖, 好麻煩! 咁比佢沖埋玩陣咪食奶瞓囉, 跟住子元又有一份咩體育科工作紙, 要睇兩篇報道再寫感想, 由於時間及冇咩必要性關係, 我幫佢頂咗, 你快D瞓好過啦! 我地就睇埋幽靈先瞓!