11/7/15

11/7/15   SAT   HOT

今日又係我要返工佢地放假的日子, 真係強列要求法例規定5天工作呀! 朝早老公揍咗柏仲入青衣, 然後同子元去wet吓, 由於4:30先去睇林醫生, 咁由我放工起有3個半鐘空檔, 當然唔好浪費啦, 最終找到一間戲院有場次係1:20, 仲要喺葵芳非常fit, 所以買定飛就等放工衝過去睇啦, 不過子元就睇到勁驚, 個未來戰士好似走出嚟打佢咁, 好搞笑! 睇到3點幾喺正新都會出面有車去金鐘, 咁就可以快手過到去林醫生到啦, 過到去快食個包就上去, 但上一家都未完, 所以都等到差不多5點先到我地, 笨元就自己玩住先, 我地入去傾! 其實唔知係我地諗法正面定點呢, 加上林醫生睇埋子元考試D成績, 仲有佢寫GE字, 係覺得佢進步咗GE, 不過到幫佢再做test時, 都擺明知道子元係覺得悶, 同埋做過就冇興趣囉! 總括專注力等問題都係會隨年紀而好轉的, 所以等二年級考埋試先再覆一次診, 睇吓二年級情況點, 佢會完全冇食藥都冇轉差, 算係進步咗架啦! 睇完就返青衣啦, 柏仲瞓緊, 所以買咗米線上去食, 隻豬仔仲瞓緊, 到食完真係捉佢先醒, 打的返屋企就照樣沖涼玩陣食奶啦, 又呃佢瞓啦, 子元就掛住玩lego到十點多先瞓呢!