4/7/15

4/7/15   SAT   HOT

今日都係我如常返工啦, 柏仲今朝竟然8:15先醒, 真係皇恩浩蕩! 起身馬上搞掂返工啦, 子元又話肚痛, 我又趕喎, 結果又要大聲喝老公出嚟接手, 咁我先返到工! 返到去都係hea, 到放工就去買午餐返屋企食, 買嘢食又等巴士又等, 搞掂差不多2點先返到去, 柏仲食哂一個蘑菇飯, 好勁囉! 之後都係hea, 因為約咗過敏瑩嗰到, 但佢5點先學完嘢, 所以都唔洗咁早, 於是咪做吓家務等等囉, 柏仲就瞓咗, 等佢瞓醒先過去, 過得去都6點幾, 玩咗陣就同程太過去美孚間759shopping, 真係多人到顛, 程太又唔係太多正價嘢啱買, 於是買完後就佢過去AEON買壽司先, 我繼續排隊比錢, 起碼要排差不多半個鐘! 比完錢都係150+, 足足比面價平咗100蚊! 跟住過AEON會合埋程太, 因為等D壽司再貼減價, 又平好多, 三百幾蚊食到你飽, 柏仲唔記得比支奶佢, 結果佢食哂一個手卷, 好勁! 之後繼續搗亂啦, 我想影吓柏仲套和衣, 點知婷婷又係到阻住鏡頭又要我影佢, 好搞笑! 最後玩到10點幾真係要閃了, 返去沖完涼快瞓啦, 明天又要起身去畫班!