6/7/15

6/7/15   MON   HOT**

今日瞓到8點左右起身啦, 不過柏仲其實一早醒咗架啦, 比我趕番落床啫, 起身後梳洗餵埋奶就出門口返工! 早上都係寫吓日記吹吓水啦, 午飯食完去洗嘢啦, 返嚟見到大陸組的同事咁早嚟咗等開會, 搞到冇得喺嗰邊睇電視, 咪返嚟自己位睇囉, 下午以為要開會, 點知皇恩浩蕩唔洗我喎, 可以繼續做自己嘢同吹水! 放工行返去啦, 都冇咩要買, 返去沖好涼先煮飯, 子元瞓咗, 柏仲見我返就走出嚟, 到子元醒咗, 一邊煮一邊聽到佢地係廳嘈, 真係人都顛! 終於煮完食得, 但子元又係咁喺到咳, 個人又吽, 總之整個狀態真係乞人憎嗰隻, 搞到我都火哂! 不過之後都撲滅咗! 飯後叫佢吸好塵裝埋水比我抺地, 都算合作啦! 抺好地佢地又玩踢波, 踢到9點多就打暈柏仲啦, K.O.埋笨元就可以睇電視!