10/9/15

10/9/15   THU   HOT

子元又係早過我起身, 都係好事我唔洗拖佢落床! 叫佢食做餐我就梳洗, 柏仲跟我尾又起埋身, 梳洗時叫子元比蛋糕仲仲食, 柏仲竟然食哂一個, 有冇咁餓! 揍咗子元撘校車返上樓柏仲又再飲奶, 然後等嫲嫲出嚟接更, 同咗佢地去大快活我就返工啦! 今朝都冇咩公事趕, 但私事就好忙, 各個媒體都唔停, 覆吓呢到又覆吓嗰到, 咁又一朝啦! 午飯後去咗買嘢飲撞到mark媽, 見到佢個肚, 原來有咗就生得囉, FB的相睇唔到呀! 下午老細在要做吓嘢啦, 不過我呢D好有效率架嘛, 快手搞掂又自由啦! 放工行返屋企啦, 抑制住自己的買嘢欲望, 只係買咗美心個榴槤月餅, 應吓節啦! 返到去都係一輪混亂先去到沖涼, 再繼續煮飯, 阿媽睇住佢地但都唔係好睇得住! 老公7點多返得到嚟幫吓手都好, 8點前叫做食到飯啦, 洗埋碗抺埋地, 又要幫子元處理作文, 好在老公都主動幫手, 又揍住仲仲, 叫做搞掂佢D功課, 溫咗少少默書, K.O.埋柏仲, 可以休息了! 開咗套復仇者嚟睇但我都唔知幾點瞓咗, 12點老公叫醒我入房瞓!