13/9/15

13/9/15   SUN   HOT

星期日例牌朝早去畫班啦, 不過敏瑩今日又迪士尼, 所以我地都遲咗出門口, 加上柏仲一早嘈到我心情唔多好, 精神又唔多好! 唔同敏瑩食早餐, 就咁去買咗個包就算啦, 揍咗佢去畫室我地就去食早餐, 一出茶餐廳門口, 柏仲就喺到叫婆婆, 咁阿媽又喺屋企, 咪走咗上去hea陣囉, 夠鐘先去揍番子元! 返屋企後柏仲瞓覺, 子元就要溫習啦, 溫一科又話要抖一陣, 我自己亦未pick up番個bit, 所以默書都好似未溫得熟咁, 但都盡量溫架啦! 12點幾柏仲醒咗, 快手執好嘢就出門口, 2點去體操試堂, 我地就喺附近食住嘢先, 食完未夠鐘接就去西九龍中心行陣, 幫柏仲買過個背囊, 接番子元就趕住入屯門, 老公要踢波, 都好耐冇跟佢去踢波啦, 去到子元可以照顧自己, 我主力睇住柏仲都OK GE, 咁樣揍住佢都已經好夠運動, 6點踢完大家都要去換衫啦, 然後撘巴士返出美孚才晚飯, 喺車我地全部瞓哂, 真係攰啦! 去大家樂食晚飯後回家白白, 柏仲9點就瞓啦, 子元就10點幾先肯瞓, 因為明天唔洗返學, 教師偷懶日嘛, 所以先比佢晏D瞓!