7/9/15

7/9/15   MON   RAIN*

又要返工返學啦! 6點幾起身, 捉得嗰隻笨起身, 柏仲又爬起身啦, 子元又呆喎, 搞到我又竭斯底里啦, 因為怕趕唔切校車, 落到去真係到咗車, 好彩未係最尾啫! 返上去整吓嘢又係時候出門口, 今日老公要去葵芳買嘢所以一齊撘42, 仲仲唔合作坐定時我鬧佢佢就躲喺daddy到! 揍咗佢入去食埋早餐就返工, 雖然落雨但唔算好大所以我冇帶遮都OK! 上午都係寫吓日記整吓相咁, 午飯去咗買麥當當的新包, 又幾好食呀, 仲加咗個香蕉批呢! 下午老細喺到時咪要扮有嘢做囉, 都幾辛苦架, 等佢閃咗就舒服D, 放工去接笨元返屋企, 開始番規律的生活, 沖好涼煮飯, 不過老公揍得柏仲返嚟都差不多8點先開得飯, 子元暫時都唔多嘢做同溫, 所以佢都有自由時間, 食完飯洗好碗抺好地就K.O.仲仲啦, 我又要處理子元的功課, 派咗中默啦又要加油! 等子元瞓埋覺就可以休息!