17/9/15

17/9/15   THU   WARM

今日都好期待晚上的克勤祖兒演唱會呢! 不過朝早都係如常咁揍子元返學啦, 柏仲依舊係痴住我唔放, 唔比人抱啦! 返上樓就等嫲嫲嚟, 再去酒樓會合, 飲埋茶先返工, 柏仲都係唔多合作架啦, 去幫佢攞張BB櫈都大叫媽媽, 媽到我行返嚟為止! 知道老細今日唔會返, 特別輕鬆, 雖則都知佢會打返嚟, 但點都好D GE! 都係做吓自己嘢又做吓公事啦, 午飯後都係hea吓咁, 安排好哂子元同仲仲今晚點, 放工就馬上仆返去, 要睇吓子元的功課, 簽埋通告等等, 叫佢執好埋書包, 咁我先放心出去! 等到老公上咗巴士我先出門口, 兩隻豬仔冇咩不捨, 交比嫲嫲婆婆睇住啦, 我同老公去二人世界吓先, 簡單地喺餃子妹食個晚餐, 就撘西鐵過紅館, 係咁自拍吓出吓post啦, 我地去到剛剛放人入去, 都未夠8點, 不過早D入就唔洗迫, 等到8:30左右開場, 連續唱咗2個鐘冇停過, 用咗段落咁去唱, 當然圍繞愛情啦, 舞台又靚衫又靚, 唱功唔洗講啦, 雖然間中有D歌新D唔太熟, 但都唱得好好呀, 總之就係正啦! 頭兩個鐘完成哂個故事後, 就到Free style咁唱, 完全兩個feel, 唱到足到11:30呀, 所以快速返屋企都要12點幾, 嫲嫲可以返屋企啦, 兩個細都好乖跟番平日程序瞓覺, 嫲嫲都覺得神奇! 咁我地沖好涼食番個宵夜就瞓啦!